भवा बिटिया क बियाह।
नाहीं बाटै कवनो चाह।
अपनी भगती म हमका लगावा माई जी।
गुन औरौ कवनो जियइ क बतावा माई जी॥
दीन जिनका पियार।
भये बड़े बरियार।
ओनकी भिखिया से हमका बचावा माई जी॥
गुन औरौ कवनो जियइ क बतावा माई जी॥
चाही नाहीं राजपाट।
नाहीं चाही ठाठबाट॥
उहीं अंचरा की छहियां सोवावा माई जी।
गुन औरौ कवनो जियइ क बतावा माई जी॥
फूट कबिरा क भाग।
लागा कमरी प दाग॥
कवनो धोबिया क घटवा धरावा माई जी॥
गुन औरौ कवनो जियइ क बतावा माई जी॥