भुखोॅ सेॅ
सुती गेलै धरती पर
गरीबी गिनैलोॅ नै जाय छै
कानतेॅ कानतेॅ सुती गेलैं
चारों बुतरू।
एक भीखमंगा
तन छै खाली
मोॅन छै भरलोॅ
दै छै सब्भे, सब्भैं केॅ
आशीर्वाद
हाथों मेॅ एक टाका
भुखलोॅ पियासलोॅ
नल मेॅ पानी नै छै
गाय-बकरी-भेड़ी
चिड़ियाँ-
सब्भैं एक्केॅ साथेॅ
पानी पीवी केॅ
भगवानोॅ केॅ कोसै छै
हे! भगवान
ई धरती पर तोॅ जनम कैहिनेॅ देल्होॅ
जनम देल्होॅ तेॅ
खाय-पीयै रोॅ इन्तजाम कैहिनेॅ नी करलोॅ।