मउर सउंपे के गीत

पहिरव दाई~
पहिरव दाई हो सोन रंग कपड़ा
हो सोन रंग कपड़ा
सौंपव दाई मोर माथे के मउर~

मउर सोपत ले~
मउर सोपत ले दाई बइहा झन डोलय
दाई बइहा झन डोलय
डोलय दाई मोर माथे के मउर~

तोरे वो कोखन में~
तोरे वो कोखन में दाई बेटा वो बने हंव
दाई बेटा वो बने हंव
हंसी हंसी दाई मोर सौंपव वो मउर~

दस वो अंगुरिया~
दस वो अंगुरिया मोर माथे वो मड़इले
दाई माथे वो मड़इले
धरमिन दाई मोर सौंपव वो मउर~
धरमिन दाई मोर सौंपव वो मउर~
धरमिन दाई मोर सौंपव वो मउर~
धरमिन दाई मोर सौंपव वो मउर~