मक़सदु! / अमुल चैनलाल आहूजा 'रहिमी'

‘हाजु़रीअ’ जे लिहाज़ खां
प्रोग्राम
कामियाब सॾाइणि चाहियो
त
ख़र्चु करियो
या त
बस जा भरे भाडा
घरनि मां पकड़े माण्हु चाढ़हियो इन्हिन में
जीअं
सियासी मेड़नि में
आणबा आहिन माण्हु मसुवाड़ी अक्सर
ॾेई ॾह यां पंद्रहां रुपया
हिक इन्सान पोइतां
या वरी
ॾेई भाड़ा फर्स्ट क्लास
शरकत कंदड़ तोर
घुरायो नवन खे
जिन
नगर अव्हां जो न ॾिठो हुजे
भल हू बि भाड़ो फर्स्ट क्लास जो वठी
सेकन्ड कलास में
या वरी पंधु अचन
घढ़हियल ठहियल
मायनाज़ अदीबन जियां!!
घटि में घटि हू
छॾे प्रोग्राम अध में,
भॼी त न वेंदा
ऐं अव्हीं
अव्हां जो प्रोग्राम
ऐं
अव्हां जूं तजवीजूं, मनसूबा
कामियाब वेंदा
आखि़र बि
इहो ई त
अव्हां जो मक़सद आहे हूंदो!!