खटी थो खाराईंमि
बराबर,
पर महिणो मर्कु न होइ।
भाॼी भुतो आणणु छॾियुइ
टोकिरी खणी मारकेट वियसि
चयुइ छा थी पियो
खटी थो खारायांइ
बराबर, पर महिणो मर्कु न होइ।
घरु खणी फ़ोटुनि सां भरियुइ
मुंहिंजा रील डेरियूं उछिलाए छॾियइ
मुंहुं सुसायुमि
‘दर्जि़युनि खे ॿुक ॾियणा पवन्दा’
चयुइ ‘छा थी पियो
बुख कोनथो मारियांइ’
ॿार
तुंहिंजा तोसां अंगलु न कनि
अखियूं खंयो पिया तोॾे निहारीनि
चवां ॿारनि ते एॾी दहिशत!
चयुइ ‘छाथी पियो
खटी थो खारायांइ
नज़रूं फेरे
ॿीअ जे सुख दुख जी सार लधइ!
मुहुं पासीरो करे
लुड़िक उघी छॾियमि
ॾेह ॾोरापो ॾिनो,
‘तंुहिंजो त ॿियूं पियो तके’
चयुमि ‘खाटाऊ घोटु आहेमि
जेकी करे सो ठहे।’
हाओ सॼुण!
खटी थो खाराईंमि,
बराबर
पर महिणो मर्कु न होइ।