उसले कोरेको चित्रघरभित्र
भित्रिन सक्दिन होला !
उसको रहरले वनाएको वगैंचा
म डुल्न सक्दिन होला !
उसले किनेको टिकटमा
दूर दूरसम्मको यात्रा
म जान सक्दिन होला !
उसलाई प्रत्यक्ष नभेट्दै
उ यति सुन्दर छ
उज्यालो भित्तामा देखेर
विजुली दौडन्छ शरीरभरी
सपनामा उ वेगवान घोडा चढेर दौडन्छ
विपनामा नओर्लिएकै ठीक छ ।
ओरालेर यो धरातल
विगार्नु छैन समय
आशामा,सपनामा र भ्रममानै
उ सम्मोहक छ
शालीन छ
घपक्क छ ।
यथार्थमा ल्याएर कहाँ टेकाउनु ?
कोहीसँग सुहाउदैन
मिल्दोजुल्दो सुन्दरता
कतै खाली छैन्
प्रदुषणको यो शहर
ओरालेर स्वच्छता
कता अटाउनु
मेरो वशमानै छैन् ।
उ जहाँ छ,
विल्कुल सहि,सुरक्षित र सफा छ
मिलेको ,चिटिक्क, नशालु
र दयालु छ
यहाँ वोलाउदिन् ।