रस्ते जी खॾ / वासदेव 'निर्मल'

हीअ रस्ते ते
बरसाती पाणीअ सां टिमटार खॾ
ॼणु प्यालो भरियलु आ मय सां
ॾिसी जंहिं खे सभु होश वारा
परे था भॼनि, मतां दाग़ थियनि
सन्दनि वस्त्रनि ते।
अव्हां फ़ारसी शाइरीअ में
हसीननि जे खाॾीअ जे खॾ जी
पढ़ी हून्दी साराह
उहा खॾ
वकड़ में अची जंहिं जे
थियूं घणियूं ई दिलियूं
हीअ रस्ते जी खॾ भी
हसीननि जे खाॾीअ जे खॾ खां
त घटि नाहि;
मथिनि भी घणियुनि सुन्दरियुनि जी
इनायत आ थीन्दी
घणेई नज़ाकत भरिया
ऐं हसीन पेर
वकड़ में अची
मुड़ी वेन्दा आहिनि!