विद्यानाथ पोख्रेल परिचय (नेपाली)
विद्यानाथ पोख्रेल (अङ्ग्रेजी: Bidhyanath Pokhrel, २७ जेष्ठ १९७५ - ९ भाद्र २०५१); नेपाली भाषाका कवि तथा नेपाली राजनितिज्ञ हुन् । उनले वि.सं. २००७ सालको क्रान्तिमा धनकुटा जिल्लामा रहेर धनकुटा फ्रन्टको नेतृत्व सम्हालेका थिए । इतिहासकार दमनराज तुलाधरका अनुसार पोख्रेलले विना हिंसा राणाहरूलाई पराजीत गरी धनकुटालाई प्रजातन्त्रवादीको कब्जामा लिएका थिए । विशेष गरेर हास्य विधाका कलम चलाउने पोखरेलले ‘आदर्श युवक’ शीर्षकको उपन्यास तथा ‘मदिरास्त्रोत्र’, ‘बाउन्नेस्त्रोत्र’ लगायतका कविताहरू लेखेका छन् ।
कवि तथा राजनीतिज्ञ पोख्रेलको २५ अगस्ट १९९४ का दिन हृदयाघातका कारण काठमान्डुमा देहावसान भयो ।
स्रोतः नेपाली विकिपीडिया-विद्यानाथ पोख्रेल १५ मे २०२०