1,436 bytes added,
11:48, 1 अक्टूबर 2013 {{KKGlobal}}
{{KKRachna
|रचनाकार=भगवान सिंह 'भास्कर'
|अनुवादक=
|संग्रह=
}}
{{KKCatGhazal}}
{{KKCatBhojpuriRachna}}
<poem>जान हमरा पर आपन निसार का करी
बश में दोसरा के रहिके करार का करी
हियरा हहरत रही, मनवा डहकत रही,
जेके परदेश पिय ऊ सिंगार का करी
तरसे बदरा नियर ई नयन रात-दिन,
लाख अइबे करी त सुखार का करी
जेकरा दिल में लागल आग बिरहा के बा
ओके पावस के बरखा बहार का करी
पाती पढ़-पढ़के छाती जरे रात-दिन
रोज ढ़रकत नयनवा के धार का करी
जवन सोना रहे सगरो माटी भइल
केतनो गढ़वइब नौलखा हार का करी
हम त मर गइलीं बस तोहरा मुसकान पर
तीर-तलवार-भाला-कटार का करी
नाव मँझधार में फंस गइल ‘भास्कर’
जे सहारा ना देब, त पार का करी
</poem>