1,156 bytes added,
13:41, 27 जुलाई 2014 {{KKGlobal}}
{{KKRachna
|रचनाकार=हरिश्चंद्र पांडेय 'सरल'
|अनुवादक=
|संग्रह=
}}
{{KKCatAwadhiRachna}}
<poem>
केरा कै पात मोरा मन, बैरी कै काँट न उगाओ।
अबहीं पियासे नयन, नयनन कै पलक न झपाओ॥
आह भरैं कहि जायँ बतिया सारी,
भाठी जराय देय लोहेउ कै आरी,
यनकै अनोखी अगिन, दुखिया कै आह न जगाओ।
मरुथल जिनिगिया है रेत निसानी,
बाढ़ै पियसिया तौ झलकै जस पानी,
छले जायँ भोले हिरन, कंचन घट बिख न भराओ।
दरद हमार मोरे जियरा कै साथी,
जरि गवा तेल मुला बरी नहीं बाती,
थकि चली साँस कै चलन, जोति गये दीप न जराओ॥
</poem>