1,813 bytes added,
17:57, 22 अप्रैल 2015 {{KKGlobal}}
{{KKRachna
|रचनाकार=नरेश कुमार विकल
|संग्रह=अरिपन / नरेश कुमार विकल
}}
{{KKCatMaithiliRachna}}
{{KKCatGeet}}
<poem>
कोशी कानथि करूण कोर सँ
कमला कानथि भोरें सँ
चानक चोर बुझा हमरा कि-
हेतै इजोरिया तोरे सँ ?
आंगन में तुलसी चउराक
दीप मिझाएल ककरा सँ ?
मन्दिर सून, सून चउबटिया
फूल सुखाएल ककरा सँ ?
ककरा बिना वसन्त ने आओत
कानत कोइली नोरे सँ
चानक चोर बुझा हमरा कि-
हेतै इजोरिया तोरे सँ ?
किए कुमुदिनी मुँह नुकौने
कमल नुकौने पोखरि मे
आगि लगौलें आँचर मे
आ‘ धरतीक हरियर चुनरि मे।
मायक ममता आओर सेहन्ताक
कोर भरल अंगोरे सँ।
चानक चोर बुझा हमरा कि-
हेतै इजोरिया तोरे सँ ?
चानक शव कें बेचि-बेचि
नेना पर कफन ओढ़ौने छें
भरल वसन्त मे आगि लगाकऽ
श्मशान बनौने छें
चान-सुरूज कें केओ नहि रोकत
चमकि रहल छथि ओरे सँ।
चानक चोर बुझा हमरा कि-
हेतै इजोरिया तोरे सँ ?
</poem>