1,696 bytes added,
15:15, 26 अक्टूबर 2016 {{KKGlobal}}
{{KKRachna
|रचनाकार=चेतन भारती
|संग्रह=ठोमहा भर घाम
}}
{{KKCatGeet}}
<poem>
चलव अब ते सम्हलन,
महतारी के कर्जा चुकाना हे ।
अपन बांह के करके भरोसा,
नवा जिन्गी के जोत जलाना हे ।।
स्वारथ में आँखी मुंदे हम,
परमारथ ल घला चबा डारेन ।
अपनेच ल बड़का कहाए खातिर,
अपन धरम के घेंघा दबा डारेन ।।
चल तो देखव बढ़के आगू,
उझरे धर धुंधिया अपन सजाना हे ।
चलव अब तो ....
महतारी के दुनों हाथ म,
आगी लगादीन दोखहा मन ।
दसो अंगुरिया के परे फोरा म,
नुन लगादीन चोरहा मन ।।
चारो कोती अबड़ अति मचे हे,
जरत अपन घर बचाना हे ।
चलव अब तो....
अंधियारी अंजोरी के मिलवट म,
घिघियावत हावे मानुखपन ।
मुक्का बनके सब देखत हावें,
चिचियावत हावे दर्रे किसाने मन ।।
ठानव मानव अब तो जानव,
भारत महतारी के मान बढ़ाना हे ।।
चलव अब तो ....
</poem>
Delete, KKSahayogi, Mover, Protect, Reupload, Uploader