जिनगी होय जैतै बेकार गे।
धरती-आकाश छै जगमग इंजोरिया
मोर जिनगी में अन्हार गे।।गे।
सास-ससुर के मन नहीं भावै, कच-कच करै दिन-रात गे।
ननदी-दियौरें कहै छै टिप्पाधारी, वर नाहीं मानै मोर बात गे।।गे।
नाहीं हमेॅ खेलतलिं सुपती-मउनियाँ, नाहीं हमेॅ गुड़बा-गुड़िया गे।
मैयो नै भेजलकै, बप्पों नै भैजलकै, पढ़ै लेॅ कोनोॅ इस्कूलिया गे।।गे।
कुईयां के बेंगबा टर-टर बोलै, बड़ नाहीं कोऊ दोसरबा गे।
सुनी रे सुनी हिरदै जे फाटै, झर-झर झरै मोर लोरवा गे।।गे।
उछली-कूदिये बेंगबां जे देखै, जब दुनियाँ के रीतिया गे।
धक-धक परणमां, झक-झक जमनमां, झप-झप झपकै अँखिया गे।।गे।
बस्ता लैकेॅ चललै जे बेंगबा, पढ़ै लेॅ इस्कूलिया गे।
पढ़ै-लिखै लेॅ हमरोॅ तरसै परणमां, टप-टप टपकै लोरबा गे।।गे।
सबके पढ़ाय के लिखाय के योजनमां, साक्षरता अभियनमां गे।
चलोॅ हम्मेॅ पढ़बै, लिखबै जे आबेॅ, होतै सफल मोर जीवनमां गे।।गे।
</poem>