Changes

'{{KKGlobal}} {{KKRachna |रचनाकार=नरेन्द्रप्रसाद कुमाईँ |अनुवादक= |...' के साथ नया पृष्ठ बनाया
{{KKGlobal}}
{{KKRachna
|रचनाकार=नरेन्द्रप्रसाद कुमाईँ
|अनुवादक=
|संग्रह=रोदन / नरेन्द्रप्रसाद कुमाईँ
}}
{{KKCatKavita}}
{{KKCatNepaliRachna}}
<poem>
(१)
मनको तटमा बारम्बार
पारी याद लहरको घात,
जीवनमा अब दुःखको बग्छ
खोला भीषण गर्जनसाथ |

(२)
मन-तंत्रीको छिन्न तारमा
झंकार जब यादले दिन्छ,
सारा तनमा हाहाकार
पार्ने एउटा स्वर मचिन्छ ।

(३)
आहतको त्यो मनको घात
नित्यै भित्री मनमै बस्छ,
पीडाले जब गर्छ असह्य
मोती भएर तब त्यो खस्छ ।

(४)
मनको कालो दुःखको बादल
याद गिरिसँग टक्कर खान्छ,
एउटा ठूलो झरी लगाई
आँशु भैकन खस्तै जान्छ ।
(५)
जीवनको जुन ज्योति निभेथ्यो,
मनमा त्यसको ‘दाह’ बसेथ्यो,
यादको पर्दा एउटा फूँ क
विरहानल भै आज उठ्यो ।

(६)
मिलनको भयो सपना भङ्ग
बिपना भयो – एकाकीपनको,
सुन्दर, सुखद, क्रीड़ा प्रेमको
केवल पीड़ा बन्यो मनको ।

(७)
हाँसिरहेको चन्द्र खड़ा त्यो
अघिको मेरो आह! हरायो
त्यो हाँसोको यादले के वल
एउटा दीन हृदय रूवायो ।

(८)
जीवनको ज्योति निभाई
बाले सानो प्रेम-चिराग,
निर्भर यसैमा सारा गर्छ
मेरो सुख-दु:ख, भाग-अभाग ।

(९)
मनमा नव उल्लास भरेथ्यो
जीवनमा नव-स्पन्दन,
नव आशा थियो-नव अभिलाषा
मनमा सुखको नूतन क्रन्दन ।

</poem>
Mover, Reupload, Uploader
10,400
edits