2,303 bytes added,
02:45, 2 जुलाई 2021 {{KKGlobal}}
{{KKRachna
|रचनाकार= गीता त्रिपाठी
|अनुवादक=
|संग्रह=सिमलको गीत / गीता त्रिपाठी
}}
{{KKCatKavita}}
{{KKCatNepaliRachna}}
<poem>
बिउँझेका छैनन् देवताहरू अझै
निस्तब्ध छन् सृष्टिका सारा उमङ्गहरू
मन्दिर छेउको दोबाटोमा
अलमल्ल उभिएको छ
मजस्तै एक्लो मेरो बिहानी
गाउँने रहर नमेटिँदै
आधैबाटोमा सकिएको गीत
सम्झी सम्झी रोइरहेछ अधबैँसे पुजारी रुख
दोष-दक्षिणाको खिचातानी वरिपरि
आफ्नै विवशताका पतकरहरूमाझ
इतिहासजस्तै पुरिएर
लुकाइरहेछ ऊ दुई थोपा आदिम आँसु
फूलमाथि हाँसिरहेछ सडक
आधा जून रोइरहेछ आकाश
बतास छामिरहेछ ढुकढुकी
म आफै छुट्याउन सक्दिन
यो बतासमा कहाँनिर छ मेरो प्राण !
सुनसान पथमा दिग्भ्रमित छु म
मानिसहरूको पदचाप खोजिरहेछु
नदीझैँ बगेर एक बिहान समय
मसँग मागिरहेछ बस्तीको जगमग
भेट्न सक्दिनँ मेरै भागको उमङ्ग म
पाइलामा मिसिँदैनन् सहयात्री धूनहरू
वसन्तमा न्याउली भएर
चुपचाप हिँडिरहेछ यो बिहान
आँधी आएको घरको किनारैकिनार
पातझैँ पहेँलिएर खसेको छ समय
अझै निद्रामै छन् मन्दिरमा देवताहरू !
</poem>