1,968 bytes added,
02:47, 2 जुलाई 2021 {{KKGlobal}}
{{KKRachna
|रचनाकार= गीता त्रिपाठी
|अनुवादक=
|संग्रह=सिमलको गीत / गीता त्रिपाठी
}}
{{KKCatKavita}}
{{KKCatNepaliRachna}}
<poem>
अन्तरको एक उज्यालोले
बेरिएर जब समाधिस्थ हुनेछु म
यात्रामा सायद
फेरि कहिल्यै रात पर्ने छैन
निरन्तरको यो यात्रामा
तर्साएर कुनै दिन
कुनै बलवान रातले
निदाउन लगायो भने
मेरो इच्छा विपरीतको कायर निद्रा
मेरो प्रिय स्वप्न !
तानिदिनु सन्तापले जलेका सिरानीहरू
र,
फालिदिनु आडम्बरले तकिएका
बाक्ला-बाक्ला सिरकहरू
खोलेर बन्द झ्यालहरू
सोहोरेर अँध्यारा पर्दाहरू
तिम्रै अञ्जुलीको घामले
धोइदिनु मेरो विवश अनुहारलाई
मेरा वरिपरि
जीवनमय हुन्-
भोगाइहरू, दुःख-सुखहरू
जीवन्त रहून् सिर्जनामा अनुदित
सयौँ बिम्ब-प्रतिबिम्बहरू
मेरा प्रियजन !
मृत्युपूर्व म खोल्न चाहन्छु-
मेरा अन्तरदृष्टिहरू
र,
बाँच्न चाहन्छु
एकै पल होस् त्यो
जिउँनुको अर्थमा जिन्दगी।
</poem>