2,158 bytes added,
18:12, 3 फ़रवरी 2022 {{KKGlobal}}
{{KKRachna
|रचनाकार=हिरा आकाश
|अनुवादक=
|संग्रह=आगोका स्वरहरू / हिरा आकाश
}}
{{KKCatKavita}}
{{KKCatNepaliRachna}}
<poem>
पोखरीको पानी
धमिलिएको छ यतिबेला
उन्मत्त पौडिरहेका माछाहरु देखिदैनन्
मात्र भ्यागुताहरु उफ्रेको देखिन्छन
र,
दाउमा बसेका केही सर्पहरु देखिनछन् ।
सर्पहरु जो भ्यगुता खान पल्केका छन्
सर्पहरु जो मात्र बिषपान गर्न सल्केका छन्
यिनीहरुलाई सग्लो पानीको कुनै वास्ता हुदैन
यिनीहरुलाई पानीभित्र बस्ने
माछाहरुको पनि मतलब हुदैन
यिनीहरुलाई त आहार भए पुग्छ
यिनीहरुलाई त ठुङ्न पाए पुग्छ
चाहे भ्यागुता होस
या फेरि माछाहरु
सर्पलाई बिष पोख्न पाए पुग्छ ।
हो ,
पोखरीको पानी धमिलिएको छ यसबेला
र, सर्पहरु जाप लगाइएरहेछन्
शान्ति यात्रा गरी रहेछन्
दुलो दुलोबाट निस्केर
त्यसैले दर्शनको कुरा नसुनाऊ उनिहरुलाई ।
जहिले पनि
प्रगति र शान्तिको बिरोधी हो सर्प
यसैले सर्पलाई
गरुड पुराण नसुनाऊ
बालुन र बिथोलिन नसुनाऊ
सर्प बहिरो हुन्छ सर्पले गीत सुन्दैन ।
</poem>