सृष्टि में प्रलय का सूचक है।
क्योंकि प्रेयसी हो तुम!
-0-
'''तुमे प्रेयसी !'''
ଏବେ ବି କରିଛି ପ୍ରତୀକ୍ଷା
ସେହି ମୁହୂର୍ତ୍ତକୁ
ଯେବେ ତୁମେ କହିବ
ତୁମେ ପ୍ରେୟସୀ !
ତୁମ ଚକ୍ଷୁର ପଲକ
ପତନ ମାତ୍ରେ ହିଁ
ଜୀବନ୍ତ ସାକ୍ଷାତ
ହୋଇଯାଏ ବେଦ ମନ୍ତ୍ର ଧ୍ୱନି ।
ହଁ, ତୁମ ସ୍ମିତ ହସ
ରାମାୟଣ ପରି
ପବିତ୍ର କରିଦିଏ ମୋର
ସକଳ କାମନା ।
ତୁମ ସଘନ କେଶରାଶି
କେବଳ ପ୍ରତୀକ
କାଳସୂତ୍ରରେ ଗୁନ୍ଥି ହୋଇଥିବା
ଅଗଣିତ ରହସ୍ୟମାନଙ୍କର
ସଂହତି।
ତୁମ କଣ୍ଠରେ
ଜଡି ହୋଇଥିବା ସୁଗନ୍ଧିତ
ମଲ୍ଲିପୁଷ୍ପହାର
ମୋତେ ମନ୍ତ୍ରମୁଗ୍ଧ କରେ,
ପ୍ରତୀତ ହୁଏ:
ତୁମ ଶ୍ଵାସ-ସ୍ୱର
ତାଳ-ଲୟରେ
ନୃତ୍ୟ କରନ୍ତି ଅସଂଖ୍ୟ ଅପସରା
ସ୍ନିଗ୍ଧା !
ତୁମ ଶ୍ରୀମୁଖ ନିଃସୃତ
ବାଣୀ ସମୁହ ପବିତ୍ର
ଅକାଟ୍ୟ ଏବଂ ଚିରନ୍ତନ ସତ୍ୟ।
ତୁମେ ମନ୍ଦରାଚଳ-ସାଗର
ମନ୍ଥନରୁ ପ୍ରାପ୍ତ ସୁଧା କଳସ !
ସେଥିରୁ କଣିକା ମାତ୍ର ପାଇଁ
ମୁଁ ଲାଳାୟିତ !!
କେବଳ ଏତିକି ଆଶଙ୍କା... !!
କାଳେ ତୁମକୁ ଆଘାତ ଦେବ
ମୋର ଏଇ ନିବେଦନ... !!!
କାରଣ :
ତୁମର ବିନ୍ଦୁଏ ଅଶ୍ରୁ ବି
ସୃଷ୍ଟିର ପ୍ରଳୟ ସୂଚକ;
ଅଥଚ ତୁମେ ମୋର ପ୍ରିୟବର !
ମୁଁ ତୁମ ପ୍ରେୟସୀ !!
~ଡା.କବିତା ଭଟ୍ଟ,ଶ୍ରୀନଗର
ଉତ୍ତରାଖଣ୍ଡ।
'''अनुवादक - किशोर चंद्र नायक
कटक, ओड़िशा'''
</poem>