{{KKCatNepaliRachna}}
<poem>
हो, देहव्यापार हुन्छ यहाँ
कहिले भएन ?
तिमीलाई त फगत मेरो शरीर चाहिएको छ
बस, यसैलाई सम्ठचाऊ ।
सम्भोगका लागि किन वा बेच
मायाको नाममा आफ्नो बनाई भोग
तिमी त खालि उपासक मेरो शरीरको
कुनै निहुँले बस यसलाई नै लेऊ ।
यो मन मेरो
कसले बुझेको छ ?
म सृष्टिको एउटा उत्कृष्ट रचना
केवल वासनाको आकाङ्क्षा भई बाँचें सदा ।
यहाँ सम्बन्धको पर्खाल मानिदैन
उमेरको फरक रहँदैन
शरीर सुमसुम्याउन
तिम्रो हात चुक्दैन ।
हो, देहव्यापार हुन्छ यहाँ
कहिले पो भएन ?
मेरो शरीर नै देख्नेछौ
जताततै जहाँतहाँ ।
बस, फरक यति नै छ आज
पहिले तिमी जबरजस्ती गर्थ्यो
आफै नाङ्गिन्छु, बेचिन्छु ।
र आफ्नो किमत असुल गर्छ ।
सके यही एक मात्र
आकर्षण छ तिम्रो मप्रति
सके यही एक मात्र
नियन्त्रण छ मेरो तिमीमाथि ।
जबसम्म तिमीभित्रको जनावर मर्दैन
र मेरो स्वाभिमान बिउँझँदैन