{{KKCatNepaliRachna}}
<poem>
ए। मानवअधिकारका कुरा गरेर नथाकेकाहरू
पहिले त यहाँ कुनै अदालत सड़ा गर
मलाई उजुर गर्नु छ
मेरो अस्तित्व लुट्नेहरूविरुद्ध ।
कस्तो विचित्र सृष्टि यो । !
मेरो जन्ममा
मेरो इच्छा सोधिँदैन
मुक्तिकै सङ्घर्षमा
मरेको हुन्छ म सदा ।
तर यथार्थ यही रहेछ
आमाको गर्भ
मेरो सजाय
तर मेरो अपराध केही थिएन ।
मेरो जन्ममा
मेरो हात थिएन ।
जीवन कसैको
दान कसैको ।
त्यसैले जबसम्म अस्तित्व पुग्दैन
स्वेच्छा जन्म र मृत्युको शक्तिमा
म यहाँ आफ्नै जीवन
अरूको इच्छामा
जन्मेको छु- बाँचेको छु ।
बाँचेको छु- मरेको छु ।
</poem>