Changes

षष्ठ अध्याय / श्वेताश्वतरोपनिषद / मृदुल कीर्ति

10,039 bytes added, 18:30, 4 दिसम्बर 2008

नया पृष्ठ: {{KKGlobal}} {{KKRachna |रचनाकार=मृदुल कीर्ति}} {{KKPageNavigation |पीछे=पंचम अध्याय / श्वेता...

{{KKGlobal}}
{{KKRachna
|रचनाकार=मृदुल कीर्ति}}
{{KKPageNavigation
|पीछे=पंचम अध्याय / श्वेताश्वतरोपनिषद / मृदुल कीर्ति
|सारणी=श्वेताश्वतरोपनिषद / मृदुल कीर्ति
}}


स्वभावमेके कवयो वदन्ति कालं तथान्ये परिमुह्यमानाः । 
देवस्यैष महिमा तु लोके येनेदं भ्राम्यते ब्रह्मचक्रम् ॥१॥ 



क्या इस जगत का मूल कारण, ब्रह्म कौन व् हम सभी? 
उत्पन्न किससे, किसमें जीते, किसके हैं आधीन भी? 
किसकी व्यवस्था के अनंतर, दुःख सुख का विधान है, 
कथ कौन संचालक जगत का, कौन ब्रह्म महान है? [ १ ] 



येनावृतं नित्यमिदं हि सर्वं ज्ञः कालकारो गुणी सर्वविद् यः । 
तेनेशितं कर्म विवर्तते ह पृथिव्यप्तेजोनिलखानि चिन्त्यम् ॥२॥ 






तत्कर्म कृत्वा विनिवर्त्य भूयस्तत्त्वस्य तावेन समेत्य योगम् । 
एकेन द्वाभ्यां त्रिभिरष्टभिर्वा कालेन चैवात्मगुणैश्च सूक्ष्मैः ॥३॥ 






आरभ्य कर्माणि गुणान्वितानि भावांश्च सर्वान् विनियोजयेद्यः । 
तेषामभावे कृतकर्मनाशः कर्मक्षये याति स तत्त्वतोऽन्यः ॥४॥ 






आदिः स संयोगनिमित्तहेतुः परस्त्रिकालादकलोऽपि दृष्टः । 
तं विश्वरूपं भवभूतमीड्यं देवं स्वचित्तस्थमुपास्य पूर्वम् ॥५॥ 






स वृक्षकालाकृतिभिः परोऽन्यो यस्मात् प्रपञ्चः परिवर्ततेऽयम् । 
धर्मावहं पापनुदं भगेशं ज्ञात्वात्मस्थममृतं विश्वधाम ॥६॥ 






तमीश्वराणां परमं महेश्वरं तं देवतानां परमं च दैवतम् । 
पतिं पतीनां परमं परस्ताद्विदाम देवं भुवनेशमीड्यम् ॥७॥ 






न तस्य कार्यं करणं च विद्यते न तत्समश्चाभ्यधिकश्च दृश्यते । 
परास्य शक्तिर्विविधैव श्रूयते स्वाभाविकी ज्ञानबलक्रिया च ॥८॥ 






न तस्य कश्चित् पतिरस्ति लोके न चेशिता नैव च तस्य लिङ्गम् । 
स कारणं करणाधिपाधिपो न चास्य कश्चिज्जनिता न चाधिपः ॥९॥ 






यस्तन्तुनाभ इव तन्तुभिः प्रधानजैः स्वभावतः । 
देव एकः स्वमावृणोति स नो दधातु ब्रह्माप्ययम् ॥१०॥ 






एको देवः सर्वभूतेषु गूढः सर्वव्यापी सर्वभूतान्तरात्मा। 
कर्माध्यक्षः सर्वभूताधिवासः साक्षी चेता केवलो निर्गुणश्च ॥११॥ 






एको वशी निष्क्रियाणां बहूनामेकं बीजं बहुधा यः करोति । 
तमात्मस्थं येऽनुपश्यन्ति धीरास्तेषां सुखं शाश्वतं नेतरेषाम् ॥१२॥ 






नित्यो नित्यानां चेतनश्चेतनानामेको बहूनां यो विदधाति कामान् । 
तत्कारणं सांख्ययोगाधिगम्यं ज्ञात्वा देवं मुच्यते सर्वपाशैः ॥१३॥ 






न तत्र सूर्यो भाति न चन्द्रतारकं नेमा विद्युतो भान्ति कुतोऽयमग्निः । 
तमेव भान्तमनुभाति सर्वं तस्य भासा सर्वमिदं विभाति ॥१४॥ 






एको हंसः भुवनस्यास्य मध्ये स एवाग्निः सलिले संनिविष्टः । 
तमेव विदित्वा अतिमृत्युमेति नान्यः पन्था विद्यतेऽयनाय ॥१५॥ 






स विश्वकृद् विश्वविदात्मयोनिर्ज्ञः कालकालो गुणी सर्वविद् यः । 
प्रधानक्षेत्रज्ञपतिर्गुणेशः संसारमोक्षस्थितिबन्धहेतुः ॥१६॥ 






स तन्मयो ह्यमृत ईशसंस्थो ज्ञः सर्वगो भुवनस्यास्य गोप्ता । 
य ईशेऽस्य जगतो नित्यमेव नान्यो हेतुर्विद्यत ईशनाय ॥१७॥ 






यो ब्रह्माणं विदधाति पूर्वं यो वै वेदांश्च प्रहिणोति तस्मै । 
तं ह देवं आत्मबुद्धिप्रकाशं मुमुक्षुर्वै शरणमहं प्रपद्ये ॥१८॥ 






निष्कलं निष्क्रियं शान्तं निरवद्यं निरञ्जनम् । 
अमृतस्य परं सेतुं दग्धेन्दनमिवानलम् ॥१९॥ 






यदा चर्मवदाकाशं वेष्टयिष्यन्ति मानवाः । 
तदा देवमविज्ञाय दुःखस्यान्तो भविष्यति ॥२०॥ 






तपःप्रभावाद् देवप्रसादाच्च ब्रह्म ह श्वेताश्वतरोऽथ विद्वान् । 
अत्याश्रमिभ्यः परमं पवित्रं प्रोवाच सम्यगृषिसङ्घजुष्टम् ॥२१॥ 






वेदान्ते परमं गुह्यं पुराकल्पे प्रचोदितम् । 
नाप्रशान्ताय दातव्यं नापुत्रायाशिष्याय वा पुनः ॥२२॥ 






यस्य देवे परा भक्तिः यथा देवे तथा गुरौ । 
तस्यैते कथिता ह्यर्थाः प्रकाशन्ते महात्मनः ॥२३॥

सम्यक

KKSahayogi, Mover, Uploader, प्रशासक, सदस्य जाँच, प्रबंधक, widget editor

3,794

edits

Changes

षष्ठ अध्याय / श्वेताश्वतरोपनिषद / मृदुल कीर्ति

Kavita Kosh