}}
<poem>
<span class="upnishad_mantra">
संन्यासस्य महाबाहो तत्त्वमिच्छामि वेदितुम्।
त्यागस्य च हृषीकेश पृथक्केशिनिषूदन॥१८- १॥
</span>
अर्जुन उवाच
हे अंतर्यामी महाबाहो !
संन्यास, त्याग कौ तत्व पृथक
करि, मरम कहौ माधव मोहे.
<span class="upnishad_mantra">काम्यानां कर्मणां न्यासं संन्यासं कवयो विदुः।सर्वकर्मफलत्यागं प्राहुस्त्यागं विचक्षणाः॥१८- २॥</span>
श्री भगवानुवाच
बहु ज्ञानी कर्म सकाम त्याग
बहु अन्य विवेकी कर्म सबहिं,
कौ त्यागन में विश्वास करैं.
<span class="upnishad_mantra">त्याज्यं दोषवदित्येके कर्म प्राहुर्मनीषिणः।यज्ञदानतपःकर्म न त्याज्यमिति चापरे॥१८- ३॥</span>
सब करम त्याज्य है दोष युक्त,
कुछ ऐसो मनीषी कथित करैं.
तप, दान, यज्ञ तौ त्याज्य नाहीं,
बहु ज्ञानी यहि मत व्यक्त करैं.
<span class="upnishad_mantra">निश्चयं शृणु मे तत्र त्यागे भरतसत्तम।त्यागो हि पुरुषव्याघ्र त्रिविधः संप्रकीर्तितः॥१८- ४॥</span>
जो विषय त्याज्य , तेहि सुन अर्जु!
आपुनि मत व्यक्त करौं तोहे.
हैं त्रिविध त्याग, सत, राजस, तम
पुरुश्रेष्ठ कहहूँ सगरौ तोहे.
<span class="upnishad_mantra">यज्ञदानतपःकर्म न त्याज्यं कार्यमेव तत्।यज्ञो दानं तपश्चैव पावनानि मनीषिणाम्॥१८- ५॥</span>
तप, दान, यज्ञ तौ त्याज्य नाहीं,
बिनु संशय, हैं कर्त्तव्य यही.
तप दान यज्ञ सों ही ज्ञानी
पावन होवत अथ कृष्ण कही.
<span class="upnishad_mantra">एतान्यपि तु कर्माणि सङ्गं त्यक्त्वा फलानि च।कर्तव्यानीति मे पार्थ निश्चितं मतमुत्तमम्॥१८- ६॥</span>
तप, दान, यज्ञ हो राग बिना
फल चाह को त्यागे विरागी मना.
कर्त्तव्य नीति मय श्रेय जना,
हे पार्थ मेरौ मत ऐसो बना.
<span class="upnishad_mantra">नियतस्य तु संन्यासः कर्मणो नोपपद्यते।मोहात्तस्य परित्यागस्तामसः परिकीर्तितः॥१८- ७॥</span>
जस भाग्य नियंता नियत कियौ
तस कर्म नियत कर्त्तव्य बन्यौ.
यदि मोह सों त्याग करयो ताको,
तस त्याग कौ तामस त्याग कहयौ
<span class="upnishad_mantra">दुःखमित्येव यत्कर्म कायक्लेशभयात्त्यजेत्।स कृत्वा राजसं त्यागं नैव त्यागफलं लभेत्॥१८- ८॥</span>
दुःख रूप ही होत करम सगरे,
यहि भय सों त्यागत करमन कौ.
अस राजस त्याग सों त्यागी कौ,
फल मिलै नैकु न अस जन कौ.
<span class="upnishad_mantra">कार्यमित्येव यत्कर्म नियतं क्रियतेऽर्जुन।सङ्गं त्यक्त्वा फलं चैव स त्यागः सात्त्विको मतः॥१८- ९॥</span>
फल चाह हीन और राग बिना,
विधि शास्त्र नियत जिन करम कियौ,
अस त्याग ही सात्विक त्याग सत्य,
कर्त्तव्य समझ बस कर्म कियौ.
<span class="upnishad_mantra">न द्वेष्ट्यकुशलं कर्म कुशले नानुषज्जते।त्यागी सत्त्वसमाविष्टो मेधावी छिन्नसंशयः॥१८- १०॥</span>
जिन शुभ करमन आसक्ति नाहीं
दुष्करमन माहीं विरक्ति नाहीं.
ज्ञानी तिन संशय हीन वही,
जन त्यागी, विषेशन होत मही.
<span class="upnishad_mantra">न हि देहभृता शक्यं त्यक्तुं कर्माण्यशेषतः।यस्तु कर्मफलत्यागी स त्यागीत्यभिधीयते॥१८- ११॥</span>
हे अर्जुन! जेहि जन देह धरयो,
निश्चय तेहि करम करयो सों करयो.
सत अरथन त्यागी होत वही
जिन करम करयो, फल करम तजयो.
<span class="upnishad_mantra">अनिष्टमिष्टं मिश्रं च त्रिविधं कर्मणः फलम्।भवत्यत्यागिनां प्रेत्य न तु संन्यासिनां क्वचित्॥१८- १२॥</span>
इष्ट-अनिष्ट तौ करमन कौ फल,
पावत नित्य सकामी जना जू.
फल चिंता नैकहूँ होत नहीं ,
केहि कालहिं जो निष्कामी जना जू.
<span class="upnishad_mantra">पञ्चैतानि महाबाहो कारणानि निबोध मे।सांख्ये कृतान्ते प्रोक्तानि सिद्धये सर्वकर्मणाम्॥१८- १३॥</span>
हैं करम सिद्धि के पांच हेतु
जिन सांख्य सिद्धांत उचारौ है,
तू सुनि मोसों हे महाबाहों,
प्रय मित्र, ये कृष्ण तुम्हारौ है.
<span class="upnishad_mantra">अधिष्ठानं तथा कर्ता करणं च पृथग्विधम्।विविधाश्च पृथक्चेष्टा दैवं चैवात्र पञ्चमम्॥१८- १४॥</span>
इनमें आधार ,करण, कर्ता,
बहु करम प्रयास विविध विधि के.
यहि पंचम हेतु ही दैव योग.
हैं करम विधान दयानिधि के.
<span class="upnishad_mantra">शरीरवाङ्मनोभिर्यत्कर्म प्रारभते नरः।न्याय्यं वा विपरीतं वा पञ्चैते तस्य हेतवः॥१८- १५॥</span>
तन, वाणी, मन सों करम करै,
अनुसार विधि या विरुद्ध करै.
हर करम मूल में मानुष के,
कारण यहि पांच, निरुद्ध करै.
<span class="upnishad_mantra">तत्रैवं सति कर्तारमात्मानं केवलं तु यः।पश्यत्यकृतबुद्धित्वान्न स पश्यति दुर्मतिः॥१८- १६॥</span>
जो कहत आतमा कर्ता है,
तिन मूढ़ मता, बिनु ज्ञानन है,
कब देखि सकै अल्पज्ञ जना,
को कर्ता और को कारन है.
<span class="upnishad_mantra">यस्य नाहंकृतो भावो बुद्धिर्यस्य न लिप्यते।हत्वापि स इमाँल्लोकान्न हन्ति न निबध्यते॥१८- १७॥</span>
जिन कर्तापन को त्याग दियौ,
और बुद्धि भी नैकहूँ लिप्त नहीं.
तिन मारि के सगरे लोकन भी,
नाहीं पाप सों नैकहूँ लिप्त कहीं.
<span class="upnishad_mantra">ज्ञानं ज्ञेयं परिज्ञाता त्रिविधा कर्मचोदना।करणं कर्म कर्तेति त्रिविधः कर्मसंग्रहः॥१८- १८॥</span>
यहि ज्ञेय, ज्ञान, ज्ञाता तीनहूँ,
ही होत है प्रेरक करमन के,
अ क्रिया, करण, कर्ता तीनहूँ,
के योग, मूल हैं करमन के.
<span class="upnishad_mantra">ज्ञानं कर्म च कर्ता च त्रिधैव गुणभेदतः।प्रोच्यते गुणसंख्याने यथावच्छृणु तान्यपि॥१८- १९॥</span>
गुण भेद सों, कर्ता ज्ञान करम,
सब भांति त्रिविध बताय रहै,
अथ सांख्य शास्त्र में कथित भयो,
यहि कृष्ण भी तोहे सुनाय रहै.
<span class="upnishad_mantra">सर्वभूतेषु येनैकं भावमव्ययमीक्षते।अविभक्तं विभक्तेषु तज्ज्ञानं विद्धि सात्त्विकम्॥१८- २०॥</span>
जेहि ज्ञान सों नर सब प्रानिन में,
अविनाशी ब्रह्म कौ देखत है,
बिनु भाग विभाग को भाव धरे,
यहि ज्ञान कौ सात्विक समुझत है.
<span class="upnishad_mantra">पृथक्त्वेन तु यज्ज्ञानं नानाभावान्पृथग्विधान्।वेत्ति सर्वेषु भूतेषु तज्ज्ञानं विद्धि राजसम्॥१८- २१॥</span>
जेहि ज्ञान सों सगरे प्रानिन में,
नर भाव विविधता जागत है,
यहि ज्ञान कौ राजस जान सखे,
अस भाव कौ राजस मानत हैं.
<span class="upnishad_mantra">यत्तु कृत्स्नवदेकस्मिन्कार्ये सक्तमहैतुकम्।अतत्त्वार्थवदल्पं च तत्तामसमुदाहृतम्॥१८- २२॥</span>
जन लिप्त रह्यौ जो शरीरन में,
आतमा जानि रहयो तन को.
यहि तामस ज्ञान बृथा बिनु सार,
तम के पथ लई जावत जन को.
<span class="upnishad_mantra">नियतं सङ्गरहितमरागद्वेषतः कृतम्।अफलप्रेप्सुना कर्म यत्तत्सात्त्विकमुच्यते॥१८- २३॥</span>
फल करम तजै, करतापन भी,
बिनु राग द्वेष के काम कियौ.
विधि शास्त्र नियत अस करमन कौ,
तौ सात्विक करम कौ नाम दियौ.
<span class="upnishad_mantra">यत्तु कामेप्सुना कर्म साहंकारेण वा पुनः।क्रियते बहुलायासं तद्राजसमुदाहृतम्॥१८- २४॥</span>
श्रम युक्त करम, फल चाह करै,
हिय, करमन को अभिमान धरै.
अस करम तो राजस होत पार्थ,
अभिमानी करम सकाम करै.
<span class="upnishad_mantra">अनुबन्धं क्षयं हिंसामनवेक्ष्य च पौरुषम्।मोहादारभ्यते कर्म यत्तत्तामसमुच्यते॥१८- २५॥</span>
जेहि करमन हिंसा, हानि और,
परिणाम सामर्थ्य विचार नाहीं.
बिनु ज्ञान कियौ है आदि जिन्हें ,
तामस, सुख आधार नाहीं.
<span class="upnishad_mantra">मुक्तसङ्गोऽनहंवादी धृत्युत्साहसमन्वितः।सिद्ध्यसिद्ध्योर्निर्विकारः कर्ता सात्त्विक उच्यते॥१८- २६॥</span>
हों कारज सिद्ध या कबहूँ ना,
मन हर्ष शोक हो तबहूँ ना.
आसक्ति, अहम् जेहि नैकहूँ ना.
सात्विक कर्ता, कहै तिन कृष्णा!
<span class="upnishad_mantra">रागी कर्मफलप्रेप्सुर्लुब्धो हिंसात्मकोऽशुचिः।हर्षशोकान्वितः कर्ता राजसः परिकीर्तितः॥१८- २७॥</span>
मन हर्ष शोक सों लिप्त रहै,
फल करमन चित्त लुभाय रहै,
लोभी हिंसक शुचिता विहीन,
तेहि राजस, कृष्ण बताय रहै.
<span class="upnishad_mantra">अयुक्तः प्राकृतः स्तब्धः शठो नैष्कृतिकोऽलसः।विषादी दीर्घसूत्री च कर्ता तामस उच्यते॥१८- २८॥</span>
आलस्य, अहम्, मन शोक रहे,
लोभी, हिंसक, शठ, ज्ञान नाहीं ,
अस करता, तामस जात कहे,
जिनके मन मोहित, चैन नाहीं.
<span class="upnishad_mantra">बुद्धेर्भेदं धृतेश्चैव गुणतस्त्रिविधं शृणु।प्रोच्यमानमशेषेण पृथक्त्वेन धनंजय॥१८- २९॥</span>
सुनि वीर धनञ्जय भांति त्रिविध,
की बुद्धि धारणा जात कही.
सब भाग विभाग कहहूँ तोसों,
यहि तत्व महत अति पार्थ! मही.
<span class="upnishad_mantra">प्रवृत्तिं च निवृत्तिं च कार्याकार्ये भयाभये।बन्धं मोक्षं च या वेत्ति बुद्धिः सा पार्थ सात्त्विकी॥१८- ३०॥</span>
बहु बंधन, मोक्ष, अभय और भय,
प्रवृति, निवृति कौ तत्त्वन सों.
तस बुद्धिन राजस बुद्धि कहैं,
कर्तव्यं कौ नाहीं भान रहै.
<span class="upnishad_mantra">यया धर्ममधर्मं च कार्यं चाकार्यमेव च।अयथावत्प्रजानाति बुद्धिः सा पार्थ राजसी॥१८- ३१॥</span>
जब तामस गुण बढ़ी जावत हैं,
अधर्म कौ धरम बतावत हैं .
तब अरथ कौ नित्य अनर्थ करैं,
अस बुद्धि को तामस मानत है.
<span class="upnishad_mantra">अधर्मं धर्ममिति या मन्यते तमसावृता।सर्वार्थान्विपरीतांश्च बुद्धिः सा पार्थ तामसी॥१८- ३२॥</span>
जिन ध्यान के योग सों चिन्मय में,
मन इन्द्रिन प्रान कौ चिन्मय में.
एकमेव धारणा धारि लियौ,
हे पार्थ! है सात्विक अर्थं में.
<span class="upnishad_mantra">धृत्या यया धारयते मनःप्राणेन्द्रियक्रियाः।योगेनाव्यभिचारिण्या धृतिः सा पार्थ सात्त्विकी॥१८- ३३॥</span>
धरि चाह हिया फल करमन की,
आसक्ति मना जिन वृति रह्यो,
सुनि पार्थ! महाबाहो मोसों,
अस ारणा राजस जात कह्यो.
<span class="upnishad_mantra">यया तु धर्मकामार्थान्धृत्या धारयतेऽर्जुन।प्रसङ्गेन फलाकाङ्क्षी धृतिः सा पार्थ राजसी॥१८- ३४॥</span>
भय, शोक, अहम्, निद्रा, चिंता,
मद और विषाद दुर्बुद्धि जना .
अस धरत धारणा तामस सों,
सुनि अर्जुन! मोरे स्नेही मना.
<span class="upnishad_mantra">यया स्वप्नं भयं शोकं विषादं मदमेव च।न विमुञ्चति दुर्मेधा धृतिः सा पार्थ तामसी॥१८- ३५॥</span>
सुन अर्जुन! सब सुख त्रिविध भांति,
के होत हैं कृष्ण बताय रहे.
जेहि , ध्यान भजन अभ्यास रमै,
तिनके दुःख सगरे नसाय रहे.
<span class="upnishad_mantra">सुखं त्विदानीं त्रिविधं शृणु मे भरतर्षभ।अभ्यासाद्रमते यत्र दुःखान्तं च निगच्छति॥१८- ३६॥</span>
विष तुल्य लगत सब आदि में,
परिनामहिं होवत अमृत सों.
अथ भक्ति भाव जेहि सुख उपजत,
सुख सात्विक केशव के मत सों.
<span class="upnishad_mantra">यत्तदग्रे विषमिव परिणामेऽमृतोपमम्।तत्सुखं सात्त्विकं प्रोक्तमात्मबुद्धिप्रसादजम्॥१८- ३७॥</span>
सुख इन्द्रिन विषयन योगन सों,
अमृत सम भोगन माहीं लगै,
परिणाम विषम विष होत वही,
सुख राजस, जन भरमाय ठगै.
<span class="upnishad_mantra">विषयेन्द्रियसंयोगाद्यत्तदग्रेऽमृतोपमम्।परिणामे विषमिव तत्सुखं राजसं स्मृतम्॥१८- ३८॥</span>
मोहित कर, आतमा मोह करै,
परिणाम और भोगन माहीं,
आलस्य, प्रमादन, निद्रा,
भरे तामस सुख प्रानिन माहीं.
<span class="upnishad_mantra">यदग्रे चानुबन्धे च सुखं मोहनमात्मनः।निद्रालस्यप्रमादोत्थं तत्तामसमुदाहृतम्॥१८- ३९॥</span>
दिवि लोक न ही यहि धरती पर,
और एकहूँ नाहीं, जो देवन में.