सुबह जा साईं महिर कर सदाईं
आहे आस जहिड़ी मन में, तूं ई पुॼाईं
1.
हिक त देहीअ खे न ॾुखडो ॾिजांइ को
इहो वसु दासीअ सां, पंहिरों कजाइं को
पंहिंजी हिमथ सां जॻ में हलाईं
आहे आस जहिड़ी मन में, तूं ई पुॼाईं
2.
अथमि आस ॿी अमृत वेले उथारिजि
घड़ी पलक पंहिंजे नाम में विहारिजि
इहो नेम सांईं सदा लाइ निभाहीं
आहे आस जहिड़ी मन में, तूं ई पुॼाईं
3.
टीं आस दाता कुटंब खे सुमत ॾे
नढ़नि छा वॾनि खे सांईं सुठी मति ॾे
महर जो भरे हथु सभिनी ते घुमाईं
आहे आस जहिड़ी मन में, तूं ई पुॼाईं
4.
चौथों चाह चित में रहे ध्यानु तुंहिंजो
सुखनि छा दुखनि में रहे ज्ञान तुंहिंजो
‘निमाणीअ’ जे सॾिड़नि ते मतां देर लाईं
आहे आस जहिड़ी मन में, तूं ई पुॼाईं