सिक जो सबूत / लक्ष्मण पुरूस्वानी

अकेलाईअ में दरी वियो आ मनु
अची प्रेम धाॻे सां सिबी वञुं
अखियूं बि बेजान पत्थर थी वयूं आहिन
इलाजु अखियुनि जो बि करे वञुं
भीड़ दुनिया जी ॼण त गिहले पई
अची मूंखे पहिंजी दिल में लिकाए वञुं
कनि था बदनाम मूंखे जॻ जा माणहूं
सिक जो सबूत तिनि खे सुहिणीं अची दईं वञुं
घणों वक्तु थियो मिली न का तुहिंजी खबर
बणीं खतु प्यार जो तूं पाण ईं अची वञुं
कदहिं खां वाटूं निहारियां पियो
अचु प्रीं मूखे बि त पढीं वञुं
आश जो दीओ वञे न विसामी
अची करे जोति अमर करे वञुं
वीरानगी दई दुख जलाए न
मूखे गदु पाण सां करे वञुं