हायकू / रामधारी सिंह 'काव्यतीर्थ'

1.
हमरोॅ गाँव
हमरोॅ गाँव
छै पड़रिया नाम
भरलोॅ छाँव

2
दखिन गाँव
तीन तरफें नदी
छेकै चौहदी।

3
भागलपुर
जिला छेलै पहिनें
आवेॅ छै बाँका।

4
अमरपुर
थाना छेलै पहिनंे
आबेॅ शम्भुगंज।

5
छेत्र चरीपा
उपजै रहै कम
अभाव ग्रस्त।

6
अभाव छेलै
सिंचाई साधन के
उपज कम।

7
बाग-बगीचा
आम महुआ ताड़
खजूर गाछ।

8
बाँध, बबूल
मकोय, सिधुेबार
सीज, पराश।

9
कुआँ अभाव
एकहै पर भीड़
बढ़िया नीर।

10
बचवा स्कूल
पढ़ै में धियान नै
कम पढुवो।

11
ज्ञान भंडार
किताबों के अभाव
गाँव अन्हार।

12
सड़कहीन
ग्रामीण वैद्यहीन
जनता दीन।

13
शिक्षाभाव छै
जमींदार-पड़ाव
लूट-खसोट।

14
डाकघरे नै
छै उच्च विद्यालय
पक्की सड़क।

15
नदी में पुल
नै रोगिये के झूल
चलै छै बस।

16
शिक्षित गाँव
नौकरी सें भरलों
उच्चों मकान।

17
भेलै जनता
तेॅ खूबेॅ खुशहाल
नेता बेहाल।

18
मुखिया जीत
छै पंचायत सुखी
अध्यात्म ज्ञान

19
शांत, सुखी छै
गाँव के नर-नारी
स्वावलम्बी भी।