हिँड्नुपर्छ अप्ठ्यारोमा बाटो खोजीखोजी
भिड्नुपर्छ जिन्दगीको लक्ष्य आफैँ रोजी
क्षितिजपारि डुब्ने घाम भोलि उदाउँछ
झल्मलाई जिन्दगीको अर्थ बुझाउँछ
रात परे गर्नुपर्छ नयाँ दिनको खोजी
भिड्नुपर्छ जिन्दगीको लक्ष्य आफैँ रोजी
फर्किआउन नसकिने जिन्दगीको बाटो
हिँडिसक्दा सून बन्ला पैँतालाको माटो
सत्कर्मले सन्तुष्टिको भरिदेला गोजी
भिड्नुपर्छ जिन्दगीको लक्ष्य आफैँ रोजी