ॻणिती हिक वाक़फ़ियत / मोहन कल्पना

पेर खां सिर ताईं
ॻणिती
आहिं तुंहिंजो राम-राजु
ॼणु सती सीता तूं आहीं
पंहिंजे प्रभूअ में समायल
ख़्वाब में जाॻ ओजाॻे में गडु
पर समर्पणु तुंहिंजो आहि मुख़्तलिफ़
तोखे पंहिंजी ॼार आहे
कि पकड़ि ऐं बारु आहे
नफ्सियानी सूझ
तहरकु, खोट खोटां, खोज, मारो!
आत्मा जे दीप खे हिक फूक ॾेई
मन खे खंडहर थी बणाईं
ज़हन में सिणिघूं हणी थी
नक़्श तुंहिंजा ज़हनी ॼार!
अक़्स तुंहिंजा कोरीअड़ा
हिक वहक ज़र्बनि जी आहे
दाबु रत जो
मुंहिंजी नस नस ेमं खुलियल ॼणु
होटलूं आहिनि!
मुंहिंजे रत जा दाग़ ॾिसु
केॾो उन जो आहि खापो
लंच रत जी, ऐं डिनर ब्रेकफ़ास्ट
हिक नईं तहज़ीब जी
हिक नईं गाडेस आहीं
तोखे कंहिं जो ॿलु खपे
खून जे हिक हिक फुड़े लाइ
सामराजी हलु खपे
ज़िंदगीअ जो बलु खपे!