भारत की संस्कृति के लिए... भाषा की उन्नति के लिए... साहित्य के प्रसार के लिए
सवदेसी अपणाओ रै बेली / शिवराज भारतीय
Kavita Kosh से
आशिष पुरोहित (चर्चा | योगदान) द्वारा परिवर्तित 18:13, 9 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=शिवराज भारतीय |संग्रह=उजास रा सुपना / शिवराज भा…)
मातभोम रा हेताळू बण
सवदेसी अपणाओं रे बैली
देस रो भाग जगाओ रे बैली।
परदेसी कम्पनियां रो
बढ़ै देस पर भार रे
लेय मुनाफो झोळी भरल्यै
करै देस कंगाल रै
चरखा-करघा रोवै-सिसकै
अब कुण करै संभाळ रै बेली।
ईस्ट इंडिया एक कम्पनी
करयो देस बरबाद रे
अब दे हजारूं कम्पनीयां री
क्यूं पाळो अळबाद रे
हाथ में लेय तराजू आवै
निजर राज पर राखै रै बेली।
सवदेसी अपणाओं रै बेली
देस रो भाग जगाओ रे बैली
