भारत की संस्कृति के लिए... भाषा की उन्नति के लिए... साहित्य के प्रसार के लिए
परस है लारै / ओम पुरोहित कागद
Kavita Kosh से
Neeraj Daiya (चर्चा | योगदान) द्वारा परिवर्तित 05:30, 4 फ़रवरी 2011 का अवतरण (नया पृष्ठ: {{KKGlobal}} {{KKRachna |रचनाकार=ओम पुरोहित कागद |संग्रह=आंख भर चितराम (मूल) / ओम प…)
खुदाई में
निकळ्यो है तो कांई
हाल जींवतो है
काळीबंगां सै’र
जिण भांत जींवतो है
हाल आपणै मन में
आपणौ बाळपणो
हाल
करावै उनमान
आपरी आबादी रो
आबादी री चै’ल-पै’ल रो
घरदीठ पड़ी
हरमेश काम आवण आळी
अरथाउ जिन्सां रो
जिन्सां माथै
माणसियो परस
परस रै लारै
मोह मनवार
सगळो कीं तो जींवतो है
काळीबंगा रै थेड़ में।
