भारत की संस्कृति के लिए... भाषा की उन्नति के लिए... साहित्य के प्रसार के लिए
अखराऊं थांनै / नीरज दइया
Kavita Kosh से
Neeraj Daiya (चर्चा | योगदान) द्वारा परिवर्तित 05:59, 28 अप्रैल 2011 का अवतरण (नया पृष्ठ: {{KKGlobal}} {{KKRachna |रचनाकार= नीरज दइया |संग्रह=साख / नीरज दइया }} [[Category:मूल राजस्…)
भेळा करण नै
जोड़ा-जुगत
चेताचूक हुयोड़ा
दुनिया रा सैंग सुख।
अखराऊं थांनै
कीं लूण-लखण
बपराणा है
टाबरां खातर।
घररी तरेड़ा रो लखाव कोनी
ऊपर-छापर देख्यां सूं
दिसै-स्सौ कीं ठीक-ठाक।
ओ म्हारा सपूत बेटा
थारा टाबर अंवेरै थनै
थूं म्हांनै देख’र लख जा
थारै काल रो सुख आज।
भुगतैला सजा-
संस्कृति नै छिटकावण री
थांरी पीढी!
