भारत की संस्कृति के लिए... भाषा की उन्नति के लिए... साहित्य के प्रसार के लिए
रावण ओर मंदोदरी / तुलसीदास/ पृष्ठ 6
Kavita Kosh से
Dr. ashok shukla (चर्चा | योगदान) द्वारा परिवर्तित 19:21, 4 मई 2011 का अवतरण
रावण ओर मंदोदरी
( छंद संख्या 28 से 29 )
(27)
कह्यो मातु मातुल, बिभीषनहूँ बार-बार,
आँचरू पसार पिय! पायँ लै-लै हौं परी।
बिदित बिदेहपुर नाथ! भृगुनाथगति,
समय सयानी कीन्ही जैसी आइ गौं परी।
बायस, बिराध, खर, दूषन, कबंध, बालि,
बैर रघुबीरकें न पूरी काहूकी परी।।
कंत बीस लोयन बिलोकिए कुमंतफलु,
ख्याल लंका लाई कपि राँड़की-सी झोपरी।27।
(28)
राम सों सामु किएँ नितु है हितू,
कोमल काज न कीजिए टाँठे।
आपनि सूझि कहौं , पिय!
बूझिबे जोगु न ठाहरू, नाठे।।
नाथ! सुनी भृगुनाथकथा,
बलि बालि गए चलि बातके साँठे।
भाइ बिभीषनु जाइ मिल्यो,
प्रभु आइ परे सुनि सायर काँठे।28।
