राम-नाम-महिमा
(89)
राम बिहाइ ‘मरा’ जपतें बिगरी सुधरी कबिकोकिलहू की।
नामहिं तें गजकी, गनिकाकी, अजामिलकी चलि गै चलचूकी।।
नाम प्रताप बड़ें कुसमाज बजाइ रहीं पति पांडुबधूकी।
ताको भलो अजहूँ ‘तुलसी’ जेहि प्रीति-प्रतीति है आखर दूकी।।
(90)
नामु अजामिल -से खल तारन, तारन बारन -बारबधूको ।
नाम हरे प्रहलाद-बिषाद, पिता-भय-साँसति सागरू सूको। ।
नामसों प्रीति-प्रतीति बिहीन गिल्यो कलिकाल कराल, न चूको।।
राखिहैं राम सो जासु हिएँ तुलसी हुलसै बलु आखर दूको।।
)