भारत की संस्कृति के लिए... भाषा की उन्नति के लिए... साहित्य के प्रसार के लिए
सुरसत निवंण / शिवराज भारतीय
Kavita Kosh से
आशिष पुरोहित (चर्चा | योगदान) द्वारा परिवर्तित 12:30, 22 जून 2011 का अवतरण
यदि इस वीडियो के साथ कोई समस्या है तो
कृपया kavitakosh AT gmail.com पर सूचना दें
कृपया kavitakosh AT gmail.com पर सूचना दें
थूं है ग्यान रो सागर मां
म्हैं नैनी-सी गागर मां
हिरदै रो अंधियारो मेटो
करद्यो घट सैंचन्नण मां
वीणा-पोथी हाथां सो‘वै
हंस घणो मनड़ै नै मौ‘वै
ममता री मूरत रा दरसण
चित रा भाव उजाळै मां
मिनख-मिनख सूं अळगा भाजै
सहम्या-सहम्या डरै नै दाझै
भर-भर बांथां मिला सैंग नै
देख‘र हरखै मुळकै मां
मायड़भासा सिरै विराजै
जण-जण रै कंठां पर साजै
सेवा इणरी करां जलम भर
भाव इणीं में सिरजै मां
ग्यान-गंगा सूं तन-मन तारो
सुरसत ताप हरो थे म्हारो
बिरथा ना जा मिनख जमारो
आसीसां दे सुरसत मां ।
