भारत की संस्कृति के लिए... भाषा की उन्नति के लिए... साहित्य के प्रसार के लिए
पंचलड़ी / जोगेश्वर गर्ग
Kavita Kosh से
Neeraj Daiya (चर्चा | योगदान) द्वारा परिवर्तित 04:20, 30 अगस्त 2011 का अवतरण (नया पृष्ठ: {{KKGlobal}} {{KKRachna |रचनाकार=जोगेश्वर गर्ग |संग्रह= }} [[Category:मूल राजस्थानी भाषा…)
बोल्यां विगर समझलै भाई, वै बातां
बोलण में कोनी चतुराई, वै बातां
थारै लेखे हंसी-मसखरी होवैली
म्हारै लेखै है अबखाई, वै बातां
म्हैं तो समझ्यो म्हैं जाणू कै तू जाणै
कुण अखबारां में छपवाई, वै बातां
जिण बातां सूं प्रीतड़ली परवाण चढ़ी
आज करावै रोज लड़ाई, वै बातां
"जोगेसर" जिद छोड़ सकै तो छोड़ परी
सैण-सगा कितरी समझाई वै बातां
