भारत की संस्कृति के लिए... भाषा की उन्नति के लिए... साहित्य के प्रसार के लिए
चालूं कित्ती’क दूर और कठै / सांवर दइया
Kavita Kosh से
Neeraj Daiya (चर्चा | योगदान) द्वारा परिवर्तित 05:14, 15 अक्टूबर 2011 का अवतरण ('{{KKGlobal}} {{KKRachna |रचनाकार=सांवर दइया |संग्रह=आ सदी मिजळी मरै /...' के साथ नया पन्ना बनाया)
चालूं कित्ती’क दूर और कठै
अंत बिहूणै पथ रो छोर कठै
उजास खातर भटकै मन म्हारो
आं काळी रातां री भोर कठै
झटकै सूं तोड़ नांखै स्सै जाळ
बताओ तो सरी बो जोर कठै
थारी-म्हारी न्यारी सांसां नै
बांधलै सागै बा डोर कठै
अठै जुगां सूं छांटां नै तरसां
कांई करां जे बरसै लोर बठै
