भारत की संस्कृति के लिए... भाषा की उन्नति के लिए... साहित्य के प्रसार के लिए
प्रीति करि काहू सुख न लह्यो / सूरदास
Kavita Kosh से
Pratishtha (चर्चा | योगदान) द्वारा परिवर्तित 00:21, 3 अक्टूबर 2007 का अवतरण (New page: कवि: सूरदास Category:कविताएँ Category:सूरदास प्रीति करि काहू सुख न लह्यो। प्र...)
कवि: सूरदास
प्रीति करि काहू सुख न लह्यो।
प्रीति पतंग करी दीपक सों आपै प्रान दह्यो।।
अलिसुत प्रीति करी जलसुत सों¸ संपति हाथ गह्यो।
सारंग प्रीति करी जो नाद सों¸ सन्मुख बान सह्यो।।
हम जो प्रीति करी माधव सों¸ चलत न कछू कह्यो।
'सूरदास' प्रभु बिन दुख दूनो¸ नैननि नीर बह्यो।।
