भारत की संस्कृति के लिए... भाषा की उन्नति के लिए... साहित्य के प्रसार के लिए
अकाल / जितराम पाठक
Kavita Kosh से
Mani Gupta (चर्चा | योगदान) द्वारा परिवर्तित 15:26, 30 सितम्बर 2013 का अवतरण ('{{KKGlobal}} {{KKRachna |रचनाकार=जितराम पाठक |अनुवादक= |संग्रह= }} {{KKCat...' के साथ नया पन्ना बनाया)
खेत के मुआर छिलातिया
जइसे छुरा से
कपार के बार छिलाला,
पइनि-अहरा-नहर
नेता लोग के बात लेखा
खाली बा
अकाल के उदन्त भँइसा
चरि गइल फसल,
किसान हाथ भींजता,
अब बेटी के गवना के नियार
फेरे के परी,
पेटो खातिर
कवनो साहू-हाकिम के
उटकेरे के परी,
धिया के लुगरी
अबकी अगहने झाँवर हो जाई,
ओकर सोनहुला रंग
अवरु साँवर हो जाई
दियरी के बाती,
छठि के अघरौटा
बिसुखि गइल
राकस नियन मुँह बवले
महँगी के काल आइल बा
अनेरे लोग कहता कि अकाल आइल बा।
