भारत की संस्कृति के लिए... भाषा की उन्नति के लिए... साहित्य के प्रसार के लिए
पनजी मारू / प्रीत / गोरधन सिंह शेखावत
Kavita Kosh से
Sharda suman (चर्चा | योगदान) द्वारा परिवर्तित 10:14, 16 अक्टूबर 2013 का अवतरण
प्रीत
फागण रै रात री
उणीँदी चांनणी री
कुंवांरा होठां री
अणबुझी
अछेही तिरस सी
प्रीत
गीत रै मांय
हिबोळा खाबती
गळगळी पीड़ सी
रूपाळी देह माथै
जोबन री
चढती पाण सी
प्रीत
डूंगर रै साथै
छांनै-छांनै
पसरीजता गुलाबी उजास सी
बरफ सूं ठारियोड़ी रात में
निवायो परस सी
प्रीत
मन रै गळियारै में
कबूल करियोड़ा
सबदां री
छेली सींव माथै
सूंप्योड़ा छिण सी
