भारत की संस्कृति के लिए... भाषा की उन्नति के लिए... साहित्य के प्रसार के लिए
चाल रो चकरियो / राजूराम बिजारणियां
Kavita Kosh से
आशिष पुरोहित (चर्चा | योगदान) द्वारा परिवर्तित 20:55, 16 अक्टूबर 2013 का अवतरण ('{{KKGlobal}} {{KKRachna |रचनाकार=राजूराम बिजारणियां |संग्रह=चाल भ...' के साथ नया पन्ना बनाया)
घड़ी री सूयां
पिछाणै आपरी
चाल रो चकरियो
छोटकी टुरयां जावै
बडोड़ी रै लार
काण कायदै साथै।
पाणी ई कद भूलै
बैवतै बखत
नहर रो मारग।
छोड माटी सूं
सागो अन्न-जळ रो
कद रूंख चढ्या गिगनार।
खींपां री खींपोळी
फोगां रा फोगला
चिड़्यां री चींचाट
आंधी री सूंसाट
बादळ री गड़गड़
गड़ां री पड़-पड़
आज ताणीं
बिसी री बिसी।
नीं है तो फगत-
सीर अन्न में.!
नीर तन में.!!
पीर मन में.!!!
