भारत की संस्कृति के लिए... भाषा की उन्नति के लिए... साहित्य के प्रसार के लिए
मठ-महाराज री बात / कुंदन माली
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 06:25, 20 जून 2014 का अवतरण ('{{KKGlobal}} {{KKRachna |रचनाकार=कुंदन माली |संग्रह=जग रो लेखो / कुं...' के साथ नया पन्ना बनाया)
म्हारी कई-अेक
आदतां में सूं
एक आ है क म्हूं
दुनिया रा कारबार
अेकटक देखूं
इण वास्तै
म्हनै घणी बातां री ठा है
किण नै किण री कितीक परवा है!
भासा रै मठां मांय
म्हाराज रै वास्तै
भासा, बत्ता सूं बत्तो
पेट्यौ हैं के पछै
उणां रै माचा री औदाणी है
अर जनता री खातर
कीड़ी-नगरो है इण रै अलावा
बाकी सब
धूड़-धाणी है
जिण जिण मौकै
म्हाराज री मुस्किलां री पंतग री डोर
ठैराव पै चालै
कीड़ी नगरै रौ कटोरौ
झट सूं हालै
सांच तो औ
के
म्हाराज रै वास्तै जग सेवा री बात
उठी वठै सूं ई झूंठी !
