भारत की संस्कृति के लिए... भाषा की उन्नति के लिए... साहित्य के प्रसार के लिए
सुभाव / कुंदन माली
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 06:33, 20 जून 2014 का अवतरण ('{{KKGlobal}} {{KKRachna |रचनाकार=कुंदन माली |संग्रह=जग रो लेखो / कुं...' के साथ नया पन्ना बनाया)
थूं रोलै थूं रींकलै
करलै थूं संताप
माया तो मन-मोवणी
काया री कांई ंछाप
थारो घर थारो हरख
थारो मेल़-मिलाप
साथै कांईं नी आवणो
समझै आपूं आप
धन चूंट्यो धोयो धरम
मोटी बांधी गांठ
अेक-अेक कर छूटगो
थारी बात-समात
कणकी भर नीं गांठियो
मौको सम्पट प्रेम
डब डब आंख्यां देखलै
अबखो आयो टेम
काजल़ नै कासी कियो
अर माटी नै रेत
करमां नै किचड़ कियो
अर कांकड़ नै खेत
सुरजण नै दुरजण किया
करी झंूठ नै सांच
सूरज नै ले बोलिया
तो नीं आई आंच
झोली डंडा लूटिया
लूट्या सुख जस मान
ताला़ कूंची ठौकिया
किण रो मान गुमान ?
चार दिसावां कांपगी
इण में कांईं सोग ?
धरती खूणै बैठगी
पण नीं धाप्या लोग !
