भारत की संस्कृति के लिए... भाषा की उन्नति के लिए... साहित्य के प्रसार के लिए
राजस्थानी / कन्हैया लाल सेठिया
Kavita Kosh से
आशिष पुरोहित (चर्चा | योगदान) द्वारा परिवर्तित 16:40, 21 जनवरी 2015 का अवतरण ('{{KKGlobal}} {{KKRachna |रचनाकार=कन्हैया लाल सेठिया |अनुवादक= |संग...' के साथ नया पृष्ठ बनाया)
इयां हुयो के साव खूटगी
क्यूं थांरी पुनवानी !
छोड़्यो भेखा छोड़ दी भासा
भला बण्या बिणजारा !
लिया अमोलक रतनां बदळै
थे लोटां रा भारा !
किंयां कवां म्हे स्याणा थांनै
टाबर बुध स्याच्याणी !
गुजराती, पंजाबी, सिन्धी
आं में भी बेपारी,
पण सगळां में रळ मिल राखी
निज पिछाण अै न्यारी,
थांनै आवै लाज बतातां
निज नै राजस्थानी ।
आज जको भारत है बीं रा
थे मोटा निरमाता,
पण निज री ओकात भूलग्या
सिरजणहार विधाता,
कुण गिनारसी थे ही थां री
खिमता नहीं पिछाणी।
