भारत की संस्कृति के लिए... भाषा की उन्नति के लिए... साहित्य के प्रसार के लिए
मुट्ठी भर उजियाळौ (1) / संजय आचार्य वरुण
Kavita Kosh से
आशिष पुरोहित (चर्चा | योगदान) द्वारा परिवर्तित 22:43, 25 फ़रवरी 2015 का अवतरण
निजरां सूं कीं कैवणौ
मूण्डै सूं कीं
कैवण सूं बतौ हुवै
असरदार
म्हैं सीखग्यौ।
म्हैं जाणग्यौ
के रात रै अंधारै में
न्हायोड़ी धरती
जे चंदरमा सूं मांग लेवै
मुट्ठी भर उजियाळौ
तो चंदरमा
मूण्डौ फेर’र खिसक जावै
अर घणी बार
बो ई चंदरमा
दिन थकै ई आय धमकै
धरती री छाती पर
अणमांवातौ
उजियाळौ ले’र।
