भारत की संस्कृति के लिए... भाषा की उन्नति के लिए... साहित्य के प्रसार के लिए
अेक तारो टूटग्यौ / वासु आचार्य
Kavita Kosh से
आशिष पुरोहित (चर्चा | योगदान) द्वारा परिवर्तित 16:25, 26 फ़रवरी 2015 का अवतरण ('{{KKGlobal}} {{KKRachna |रचनाकार=वासु आचार्य |संग्रह=सूको ताळ / वास...' के साथ नया पृष्ठ बनाया)
मौकळा दिन-निसरग्या चीखता
बिलखतै दिनां सागै
मौकळी रातां पीयगी
रातां रो अंधारो-
नीं तो फूटै कलम सूं
कोई ज्वालामुखी
अर नीं‘ई मण्डै है-ठंडी मधरी
चांदणी रा चितराम-कौरै कागद
अेक तारो क्या टूटग्यौ-आभै सूं-
सूरज नै‘ई करग्यौ लीर-लीर
कीरै चढ़ाऊ अरघ
या ताक‘र मारू भाटो
चीस्याड़ा मारती पून
चीरणौ चावै काळजो
रूं रूं छावतै सरणाटै मांय
गूंजतौ रैवै भंभाड़ मारतो कुवो
पथरायी म्हारी आंख्यां
ताकती रै
रंजी भर्यौड़ी कलम
कुण झलावै झाड़
पाछी म्हारै हाथां
हाथां सूं ?
