भारत की संस्कृति के लिए... भाषा की उन्नति के लिए... साहित्य के प्रसार के लिए
कठै है तू म्हारी कविता / वासु आचार्य
Kavita Kosh से
आशिष पुरोहित (चर्चा | योगदान) द्वारा परिवर्तित 16:31, 26 फ़रवरी 2015 का अवतरण ('{{KKGlobal}} {{KKRachna |रचनाकार=वासु आचार्य |संग्रह=सूको ताळ / वास...' के साथ नया पृष्ठ बनाया)
जणै जणै भी
ऊमटै है
काळी कळायण
भर भर आवै आभो
बीजळी रा पळकां सूं
दूर कैई खैजड़ै बैठै
मोरियै री प्याओ प्याओ सूं
गूंजै है सिगळौ जंगळ
म्हारो मन भी
बठै भी ऊमटी हुवैला
काळी कळायण
बीजळी रा पळकां सूं
भर आयो हुवैला आभो
जठै म्हैं हुयर भी
नीं हूं
टपकै दो टोपा चुपचाप
रळावै बाळू-रै धौरै मांय
अर मण्डे थारो चितराम
म्हारै हियै जियै
जाणै चीस्याड़ां मारै
सिगळो जंगळ
चीस्याड़ा मारै
सिगळो आभो
कठै है तू म्हारी आत्मा
कठै है तू म्हारी कविता
