पावन मिथिला धाम / चन्द्रमणि

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

चन्द्रमणि » रहिजो हमरे गाम »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

कल्पित सपना साँच कराबय
भुतिआयल छी बाट देखाबय
क्षितिज छोड़ल दिनमान
हमर ई पावन मिथिलाधाम।
लछमी माइक परम उपेक्षित
जनिकर कुल परिवार
एहि धरतीमे पओलनि
से सब, वाणी केर सत्कार
देवक रूप तरेगण चमकै
जै धरतीकेर कण-कण गमकै
हरित-भरित परिधान।। हमर ई...
हम स्नेही जग कहय अकिंचन
किंचित तकर ने क्लेष
छथि भागिन रणधीर लवकुश
कार्तिक आर गणेश
प्रीतिक गीत गबै अछि भमरा
सगुन विचार विहगसँ जतरा
पूजित चौठक चान।। हमर ई....
माइक मुरूत बनाबी जतनसँ
शोणित अपन सुखाय
कतबहु नजरि लगाओत डइनिज्जा
ई कथमपि ने ढहाय
कारण छथि दौहित्र गदाधर
अंजनि-सुत केर एतय समादर
शक्तिक प्रबल प्रमाण।। हमर ई....