भारत की संस्कृति के लिए... भाषा की उन्नति के लिए... साहित्य के प्रसार के लिए
दरदे अबले उपहार मिलल / सूर्यदेव पाठक 'पराग'
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 13:35, 30 मार्च 2015 का अवतरण
दरदे अबले उपहार मिलल
अपना मतलब के यार मिलल
बगिया-बगिया कम ना छनलीं
बदले कुसुमन के, खार मिलल
आटा गिल कइलीं घर ही के
कुछ यश, कुछ बा आभार मिलल
पग-पग पर बाधा बान्ह बनल
राहे चलते बटमार मिलल
कइसे थम पाई लूट-झपट
भक्षक जब पहरादार मिलल
हम मंचन कइलीं तन-मन से
जइसन हमरा किरदार मिलल
दाता धरती पर लउके ना
जे लउकल से लाचार मिलल
