भारत की संस्कृति के लिए... भाषा की उन्नति के लिए... साहित्य के प्रसार के लिए
युग चक्र / नरेश कुमार विकल
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 23:09, 22 अप्रैल 2015 का अवतरण ('{{KKGlobal}} {{KKRachna |रचनाकार=नरेश कुमार विकल |संग्रह=अरिपन / नर...' के साथ नया पृष्ठ बनाया)
हट्ठा मे हरबाह झुकैये
हाथ मे धयने हऽर यौ।
कोना कें बाँचत लाजई तनकें
कोना कें जाएब घऽर यौ।
कोना कें भेंटत रोजी-रोटी
कोना कें कपड़ा-घऽर यौ।
कुसुमित कानन कुंज क्लेशक
छै कयने श्रृंगार यौ
चान इजोरिया बाँटि रहल छै
मुदा ने थिक उपहार यौ।
आइ पलासक पल्लव पल-पल
बदलै रूप-अनुप यौ
सिंगरहार श्रृंगार सजौने
आँखि मे अश्रुक धार यौ।
कोना जानकी जनकक खुट्टा-
मे बान्हल रहती मुंह चुरू
दशरथ रामक मोल करै छथि
माँगै छथि कै-कै हजार यौ।
चासो भले उदास रौद सँ
परती भेल पाथर सन बज्जर
गंगाजल मे घोरल विष छै
यमुना कें फुफकार यौ।
