भारत की संस्कृति के लिए... भाषा की उन्नति के लिए... साहित्य के प्रसार के लिए
टटका डहकन / शिव कुमार झा 'टिल्लू'
Kavita Kosh से
Anupama Pathak (चर्चा | योगदान) द्वारा परिवर्तित 18:05, 19 दिसम्बर 2015 का अवतरण ('{{KKGlobal}} {{KKRachna |रचनाकार=शिव कुमार झा 'टिल्लू' |अनुवादक= |सं...' के साथ नया पृष्ठ बनाया)
समधिन मारलथि एक लथारि
लगिते समधि काटथि बपहारि
समधि गुरकि गेलथि गोरथारि
अप्पन गाम नगरिया ना .........
देखिते समधि हाथमे सटका
समधिन उठाक' देलनि पटका
समधिक गत्रगत्रमे झटका
लगलनि बीच बजरिया ना............
अभरन बिनु घुरि एलथि समधि
समधिन पचका देलथिन धोधि
समधि डफली बनि चिचियाबथि
समधिन अपने पमरिया ना.........
समधिन जा रहली नैह'र
माँथपर मोटा नेने व्'र
लछरैत पछरैत घामक त'र
समधि चतुर्थीक भरिया ना .........
कोचिला खाउ लिअ' पूर्णांजलि
छींटब अंतिमबेर पुष्पांजलि
हुनक सोहागक बारहो अंजलि
मारू सेंथुमे मरिया ना........
