भारत की संस्कृति के लिए... भाषा की उन्नति के लिए... साहित्य के प्रसार के लिए
तोरा पावी केॅ / चन्द्रप्रकाश जगप्रिय
Kavita Kosh से
Rahul Shivay (चर्चा | योगदान) द्वारा परिवर्तित 04:34, 25 मई 2016 का अवतरण ('{{KKGlobal}} {{KKRachna |रचनाकार=चन्द्रप्रकाश जगप्रिय |अनुवादक= |स...' के साथ नया पृष्ठ बनाया)
तोरा पावी केॅ हम्में वरदान जना कि पैलै छी ।
हमरा की स्वर्गोॅ सें लेना
इन्द्रासन के परियो नै
तोरोॅ साथ बहुत छै हमरा
मुक्ति तक भी जरियो नै ।
तोंही एक उपचार लगै छोॅ
चोट बहुत्ते खैलेॅ छी ।
तोरा पावी केॅ हम्में वरदान जना कि पैलै छी ।
तोरोॅ साथ घड़ी भर काफी
सौ सालोॅ के चाहत की
तोरोॅ बिन बेरथ ही जिनगी
ओकरोॅ सें भी बेरथ की ?
तोंय सुकुमारी गंध कुसुम के
हम्मू रीत निभैलेॅ छी ।
तोरा पावी केॅ हम्में वरदान जना कि पैलेॅ छी ।
